Date
शुक्र, मंसिर १९, २०७७
Fri, December 4, 2020

कवि एबम गीतकार सहदेव कोइरालाको छोटो परिचय

लामो समयदेखि अमेरिकाको मेरिल्याण्डमा रहेर निरन्तर लेखनमा सक्रिय कवि एबम गीतकार सहदेव कोइरालाका दर्जनौ गीतहरु बजारमा सुपर हिट छन । कालजयी गीतका श्रष्टा कोइरालाका गीतहरुमा नेपालका चर्चित गायक गायिकाहरुले स्वर दिसक्नुभएको छ । सानै उमेरदेखि कविता र गीतलेखनमा रुचि भएका कोइरालाले रेडियो नेपाल द्वारा आयोजित बालगीत सम्मेलन २०४१ मा प्रथम स्थान हासिल गरेर औपचारिक रुपमा लेखनमा अघि बढ्नु भएको थियो । उहाको रेडियो नेपालमा १ दर्जन जति भजन बालगीत र आधुनिक गीत रेकर्ड र त्यतिकै संख्यामा आफ्नै लेखन ,निर्देशन र अभिनयमा नाटकहरु प्रसारण भैसकेका छन भने धेरै पत्रपत्रिकामा धेरै कवित, कथा र लेखरचनाहरु प्रकाशित भएका छन् ।
२०५० सालमा आफ्नै लेखन र सम्पादनमा ‘सामान्य ज्ञान संग्रह’ ,२०७६ मा ‘निम्तो ‘ कविता संग्रह र ‘गहिरो चोट दिएर गयौँ ’ गीति एल्बम सार्वजनिक भैसकेका सर्जक कोइराला नेपाल सरकारका पुर्व उपसचिव समेत हुन् । कोइराला गोरखा दक्षिण बाहु चौथो ,दैवी प्रकोप उद्दार पदक ,निजामती सेवा पदक ,लगायत धेरै मान पदवी द्वारा सम्मानित हुनु भएको छ ।
उदयपुरको चौदण्डीमा जन्मनुभएका सर्जक कोइरालाले त्रिभुवन विश्व बिद्धालयबाट एम पी ए ,एम ए र बि एल गर्नुको साथै अमेरिकामा हेल्थ केयर एडमिनिस्ट्रेसनमा मास्टर डिग्री गर्नु भएको छ। गीतकार कोइरालाका पछिल्लो गीत ‘रुपौली परी’ नेपाल आइडल र अहिले सामाजिक सन्जालमा समेत निकै लोकप्रिय रहेकी गायिका रचना रिमालको स्वरमा छिट्टै सार्वजनिक हुदै छ ।

तपाईको प्रतिक्रिया

...र यो पनि