Date
शुक्र, मंसिर १९, २०७७
Fri, December 4, 2020

वर्षा राउत र गजित विष्ट अभिनित सन्देशमुलक गीत ‘साथ हुँदैमा’ सार्वजनिक [ भिडियो ]

सामाजिक सन्देशमुलक म्युजिक भिडियो ‘साथ हुँदैमा’ सार्वजनिक भएको छ । गत २३ गते शनिबार चितवनको भरतपुमा मस्तिष्क पक्षघात प्रभावित बालबालिकाहरुका लागि आयोजित एक वृहत चेतनामुलक कार्यक्रममा उक्त म्युजिक भिडियो सार्वजनिक गरिएको हो । मस्तिष्क पक्षघातबाट प्रभावित बालबालिकाहरुको अभिभावक तथा अग्रज समाजसेवीहरुबाट म्युजिक भिडियो सार्वजनिक गरिएको थियो ।
उक्त म्युजिक भिडियोले संसारमा मानव सेवा नै ठूलो सेवा भएको र मानवीय सेवामा जस्तो आनन्द अरुमा पाईदैन भन्ने सन्देश दिन खोजेको छ । मानिस धन सम्पत्तिले मात्र सम्पन्न हुन नसक्ने भाव गीतमा सुन्न र देख्न सकिन्छ । विशेषतः सामाजिक अगुवाहरुलाई उत्प्रेरित गर्न गीतकार नरेश कुमार प्रधानले गीतको सिर्जना गरेका हुन् । गीतमा गायिका बुनु श्रेष्ठको स्वर, सजल न्यौपानेको संगीत सिर्जना तथा वि.एन. निराकारको संगीत संयोजन रहेको छ ।
गीतलाई माष्टरिङ तथा मिक्सिङ महेश्वरमान राजभण्डारीले गरेका छन् । म्युजिक भिडियोमा नायिका वर्षा राउत र नायक गजित विष्टको मुख्य भूमिका रहेको छ । नवराज उप्रेतीले छायाँकन ,सुवोल थापाको सह–निर्देशन तथा नविन निरौलाले सम्पादन गरेको म्युजिक भिडियोलाई गम्भीर बिष्टको निर्देशनमा निर्माण भएको हो ।

तपाईको प्रतिक्रिया

...र यो पनि